muli’y napatunayan ko na naman na may hangganan din ang “haggard days”.
sa wakas at natapos na din ang paggawa ng final draft ng thesis. natapos na din ang foundation day. ang saya! Now, i’m free.
una sa lahat, ako’y nagpapasalamat sa angking katalinuhan at pang-unawa ng mga kapita-pitagang kagrupo ko sa thesis (special mention to darren) dahil sa hindi ako masyadong nakatulong sa paggawa nila dahil sa pagiging abala ko sa paghahanda para sa foundation day. dahil sa inyo, nabawasan ang hirap ng buhay ko. IDOL! sa susunod ulit. hehe. joke lang!
ito seryoso. galingan natin sa defense guys. go!
sa hinayupak na may-ari ng mga shoeprints na umapak sa pinipinturahan naming pillar para sa stage design, hindi kita makakalimutan. sana nakakapaglakad ka pa ngayon. Grrrrr.
sa thinner na wala, salamat. naranasan ko ang maghugas kasama ang paintbrush. at dahil sa tanga din ako, sa pag-aakalang matatanggal ng tubig ang latex ay nilabhan ko ang paintbrush at yun! yun na nga! nagmukha akong may gloves na puti dahil sa pagkalat ng paint sa mga kamay ko.
salamat talaga sa thinner na wala dahil naging matapang ako sa paggamit ng kung anu-ano para lang matanggal ang mala-gloves na puti dahil sa kumalat na paint sa kamay ko. (haha! desperado na kasi ako sa mga panahong yun).
sa oil (kung oil man yun) na dinekwat namin ni cherry sa carpentry department, upang matanggal ang paint sa kamay ko, salamat. ikaw ang nagligtas sa akin sa matinding kahihiyan dulot ng aking katangahan. mabuti at hindi ka naging ang inaakala naming muriatic acid. at kahit na sa tingin nami’y muriatic acid ka, binuhos pa rin kita. oh di ba? I’ve really trusted you from the start! salamat talaga.
sa mga jeep na wala na sa paradahan ng ala una nang madaling araw. salamat din sa inyo dahil sa wakas, bukod sa partas at viron eh nasubukan ko na ding makasakay sa pink na bus ng florida dahil sa wala na akong ibang choice. wala lang. ganun pa rin naman ang feeling. malamig!
sa nanay ko na nagbibigay sa akin ng pamasahe sa mga sinasakyan ko para maremedyuhan ang late kong pag-uwi at makarating pa rin sa bahay kahit na madaling araw na dahil sa mga activities ng student council at sa acads, salamat ng marami.
sa mga tricycle drivers sa amin, salamat sa ligtas na paghatid niyo sa akin sa bahay. sana next time bawasan niyo na ang pamasahe. masyadong mahal. para din akong nadbayad sa big bus sa pagsakay sa tricycle.
sa dakilang adviser namin sa SML, Mam myla, salamat talaga ng marami!. salamat sa pagreremedyo mo sa lahat ng pagkukulang namin. Salamat nang lubos sa pag-aayos sa mga kapalpakan namin. you are our heroine!
sa mga kasama ko sa SML, guys tapos na ang lahat! HAHA! Alam kong lahat tayo’y nagdidiwang nang lubos-lubos sapagkat magiging malaya na din tayo. yeheey! salamat sa mga karanasan. salamat. salamat. salamat.
sa mga estudyanteng nag-enjoy nung foundation day, salamat. always prove the lorma spirit of excellence.
sa aking nakaraan at sa aking kasalukuyan, salamat sa mas pagpapatibay sa aking pagkatao.
salamat sa paggalaw ng orasan sapagkat lagi mong pinapaalala sa akin ang kahalagahan ng masusing pagsusuri para maging epektibo ang bawat kilos ko.
salamat. salamat. salamat. at natapos din ang lahat.
